Inkhel hautakah Murray chak

Andy Murray-a'n ATP World Tour Finals khelh meka a match hnih-naah inkhel hautak a hmachhawn a, a khingpui Kei Nishikori lakah set khat a hloh zet hnuin hnehna a chang.

Nilaini zan inkhelah world number 1 Murray hian darkar thum leh minute 20 chhungin 6-7 (9-11), 6-4, 6-4 in hnehna a chang. Kum 2009 aṭang khan ATP World Tour Finals hi O2 Arena, London-ah khelh
ṭan a ni a, he hmuna khelh a nih hnuah Murray leh Nishikori te inkhel hi a rei ber ṭum a la ni.

John McEnroe Group match dangah match hmasa a hnehna chang lo pahnih Stan Wawrinka leh Marin Cilic an intawng ve thung. US Open cham-pion Wawrinka hian semifinal beiseina tinung turin 7-6 (7-3), 7-6 (7-3) in hnehna a chang.

A zawna match 21 chhung hnehna chang tawh Murray chuan, "Mi tam takin Novak Djo-kovic nena kan inkar an sawi lian a, tun dihmunah chuan ani nen kan la in-tawn dawn loh avangin group match hnuhnung bera Stan nen kan inkhelh tur hi a pawimawh zawk," a ti.

Group lehlamah Grand Slam vawi 12 cham-pion tawh Djokovic hian a match hmasa pahnihah hnehna changin semifinal a lut chiang tawh. Serbian thiampuipa hi a champion anih chuan Murray lak aṭangin world number 1 nihna a lakir leh thei dawn a ni.