BVT nge sang dawn AFC?

Bethlehem Vengthlang FC leh Aizawl FC ten Mizoram Premier League Season 5 semi-final an thleng tawh a, an din-hmun erawh tihchian a la ni lo.

I League club AFC-in zanin dar 7:00 hian an chunga awm BVT hi an hneh hrim hrim chuan pahnihna an ni dawn a, result hian semifinal-a an khingpui tur a nghawng avangin inkhel pawimawh a ni.

AFC = Damdawi In

Aizawl FC-in an match hnuhnung bera Dinthar FC an draw ṭumin defence lai pahnih Lalramchullova leh Lalṭhakima te an inhliam a, BVT an la hmachhawn thei dawn lo.

Defender pahnih bakah hian midfielder Lalbiakthanga leh Vanlalduatsanga-te an inhliam bawk a, veteran midfielder Ro-hming-thanga hahdamtir an tum bawk avangin AFC ṭha ber an inlan dawn lo.

Kan ti mai mai dawn lo - Mala

I League club tana thu lawm-awm chu Bright Middle-ton Mends a dam tawh a, Ghanaian forward hian AFC tlarhma a tichak sawt ang.

AFC coach K. Malsawm-kima chuan, "BVT hi team
ṭha tak chu ni mah se ka beisei ai-in an che ṭha chho. Semifinal lut tawh mah ila, dinhmun sang zawk kan duh avangin kan ti mai mai dawn lo. Thara leh Tluanga bakah Jojo-a te khelhna hun ka pe dawn a, an hun ṭha neih hi bawhpelh lo turin ka hrilh. BVT hneh loh zawn hi ka duh lo a, kan chak turah ka ngai," tiin chak ngei an tum thu a sawi.

BVT an ṭang

Bethlehem VT hian Aizawl FC hi Lalrammuanpuia goal hmangin an hneh tawh a, chak nawn leh an tum.

Lalbiaksanga Colney hian inhliam tharlam a nei ve lo a, an duh angin player a rem thei ang. AFC hmachhawn turin a vawi khat nan Samson Ramengmawia'n inkhel bul a
ṭan hmel a, Royal Wahingdoh midfielder hlui Zosangkima nen midfield laiah inkhel bul an ṭan ang.

BVT boss BS-a Colney chuan, "Kan chak loh chuan palina thlenga tla thla thei kan ni a, chu chu kan duh lo a ni. AFC hian chhiat lai tak tak an nei lo a, a vannei zawk zawk kan chak ang," tiin team pahnih an intluk tawk thu a sawi.