MPL U18 semifinal Aizawl FC vs Chanmari West

Vawiin chhun dar 12:00 hian Lammualah Aizawl FC leh Chanmari West FC te chuan Flying Christabel Mizoram Premier League Under 18 semifinal hnuhnung zawk an khel dawn.

Aizawl FC hian Lal---awmpuia Hnamte leh Zo-sanglina te goal hmangin league round 3-ah Chanmari West hi 2-1 a lo hneh tawhin league match sarih an khelhah goal thum chiah an chhuah a, team pariat zinga tlarhnung phui ber an ni.

AFC manager H. Lalnunzira chuan, "Hneh hnu a sawi theih loh a, final lut ngei turin kan
ṭhat theih dan berin kan inrem ang. Ka naute zinga hliam leh khel thei lo tur an awm loh avangin kan huphurh lo," tiin Vanglaini palai a hrilh.

Chanmari West hi league round-a goal khung hnem ber niin goal 32 zet an khung a, an lamah vawi sarih a lut thung. Vawi khat chiah chak loh neiin an hneh loh awm chhun chu vawiina an hmachhawn tur AFC hi an ni - goal khung thiam leh a ven thiam an inhmachhawn dawn.

Chanmari West coach Lalramhluna chuan, "Kan inkhelh hmasak ṭum khan ka player pawimawh
ṭhenkhat chu hliam vangin an inlan thei lo a, kan chak lo zui bawk. Tun ṭumah chuan hnehna chan ngei kan tum," tiin a sawi.