Constantine tan kum khat dang

All India Foot-ball Fe-de-ration (AIFF) chuan India coach nilai Stephen Constantine chu kum khat dang cham turin contract thar an zawrh a, British coach hian kartawpah contract thar hi a ziah hman beisei a ni.

AIFF general secre-tary Kushal Das chuan, "Contract thar kan zawrh hi kum khat atan a ni a, thla ruk hnuah ennawn leh tura tih a ni. Stephen-a hnenah hian Asian Cup min khelhpui turin kan hrilh bawk," tiin India coach hna hmasa tur chu kum 2019 Asian Cup khel tura India kaihhruai a nih thu a sawi.

India hian Rwanda coach hlui kaihhruaina hnuaiah hmasawnin FIFA ranking-ah 137-na an ni mek a, nakkum March-a khelh tur Asian Cup qualification group stage an thleng tawh bawk.