Guehi a tlawlh tlat!

Liverpool chuan Crystal Palace aṭangin defender Marc Guehi an la lut leh lo - England international manah club pahnih hi an inrem vek tawh a, medical nei turin Guehi pawh a inbuatsaih thlap tawh.

Liverpool hian a man atan hian pound maktaduai 35 an pe ang a, kum 25 mi centre back hi an hralh leh a nih chuan Palace hian a hralhna sum aṭangin 10% an dawng ve leh dawn bawk.

Mahse, hetianga an inrem vek hnu hian Palace-in Brighton & Hove Albion aṭanga lak an tum Igor Julio chu West Ham rawn inrawlhin, Hammers zawk hian an chang ta daih.

Palace hian transfer tawp ni hian Toulouse centre back Jaydee Canvot an la lut a, mahse, Guehi thlak nan hian centre back pahnih tal neih an duh - an lakluh vek tura ngaih tawh Julio an chân ta si a, Guehi chhuah an phal leh lo!

Guehi hian Palace-ah season khat bak contract a nei tawh lo a, season khat London club-ah khel leh phawtin, a duh chuan season thar transfer-ah a thlawnin Liverpool a pan thei ang.