Arsenal-ah Hincapie a lut

Premier League nipui bazar tawp niah Arsenal chuan Piero Hincapie an lalut - Ecuador international defender hi Bayer Leverkusen aṭangin season khat chhung atan loan hmangin an hawh.

Kum 23 mi Hincapie hian 2021 khan Leverkusen a zawm a, German club tan hian match 100 chuang khel tawhin Bundesliga champion an nih theih nana player pawimawh zingah a tel.

Hincapie an lakluh lai hian Oleksandr Zinchenko erawh a chhuak thung - Zinchenko hian Nottingham Forest chu season khat chhung atan loan hmang thoin a zawm ve thung a ni.

Kum 28 mi Zinchenko hian Manchester City aṭangin Arsenal hi a zawm a, a tirah chuan Gunners tana hmun pawimawh changtu a ni ṭhin, tunah erawh Riccardo Calafiori leh Myles Lewis-Skelly te an awm avangin inkhelh tam theihna tur hmun a pan.