Schneiderlin hian a hmakhua ngaiin United a zawm tur a ni - Domenech

France coach hlui Ray­mond Domenech chuan Southampton mid­fielder Morgan Schnei­derlin chu Manchester United zawm turin thurawn a pe.

Domenech chuan, "Schneiderlin tan chuan United zawm hi a fuh a ni. France tana khelh a duh chuan Champions League a khel tur a ni a, Southampton-a a cham zel chuan engmah a thleng lo ang," tiin a sawi.

Schneiderlin hi nikum season khan Arsenal-in lak luh an tum a, amah pawhin chhuah duh mah se club lamin a chhuah an phalsak lo. Season thara Saints-in Champions League an khelh phak loh takah chuan French midfielder hian St Marys Stadium-a cham reng a tum lo a, Manchester United nen an inhnimhnai tawh hle niin report ṭhenkhatah chuan tarlan a ni.

Domenech chuan kum 25-a upa Schnei­derlin chungchang sawi zelin, "United hi Sou­thamp­ton aiin an ṭha chiang a, mahse atan chuan Manchester City leh Chelsea hi chu a ṭha lo. A tana pawimawh hmasa ber chu Saints chhuahsan a ni a, a sang pathum hnuai chiaha awm hi a tan chuan a tawk a ni. Tunhnaiah nasa takin hma a sawn a, Champions League khel turin a ṭha tawh a ni," a ti.

Schneiderlin hian nikum season-ah khan league-ah match 25 a khel a, goal li a khung.