Smith leh Ujah che ṭha
August thlaa China khawpui Beijing-a neih tur World Championship inbuatsaihna atan tunlai hian Birmingham-ah British Championship neih mek a ni a, Hmeichhe 100m intlansiakah Dina Asher-Smith chuan an ram record thar a siam.
Alexander Stadium-a intlansiakah kum 19-a upa Asher-Smith hian 100m chu second 11.08 chhungin a thleng hman a, hei hi an ram record niin Beijing-ah an ram tan a inlan thei dawn a ni.
Mipa intlansiak-ah Chijindu Ujah chuan second 10.1 chhunga 100m tlan thlengin pakhatna a ni bawk a, a hnungah hian James Dasaolu a tlan thleng ve bawk. Anni pahnih pawh hian an ram ai an awih thei bawk ang.
Kum 21-a upa Ujah hian kum 2013 khan European Junior Championship-ah an ram tan lawmman pakhatna a lo la tawh bawk. An sprinter pahnih an chet ṭhat avang hian Britain hian World championship-ah pawh beiseina an nei sang ve hle ang.
Anni pahnih bakah hian 400m World champion nilai Christine Ohuruogu leh 5000m - 10,000m World leh European champion nilai Mohamed Farah te chu an inlan bawk ang.