Inter sawichhiaa puhna Fiorentina-in pha

Fiorentina chuan thuchhuah siamin club-in Inter Milan sawichhia anga thuthang awm chu an pha.

Tun hnai khan Fio­rentina vice-president Paolo Panerai chuan Inter Milan hi dik lo taka Mohamed Salah lakluh tumah puhin division hniam zawka tla thla tura hremna pek a rawt a ni.

Season hman zawh takah khan Chelsea winger Salah hian loan-in Fiorentina hi a zawm a, an inbiakremna ang chuan club-in ṭul an tih angin loan hun chhung hi an pawtsei thei ang tih a ni.

Fiorentina leh Salah an in dawr fuh lo a, contract hmasa a an ziah angin Fiorentina lam hian Salah hi an club-ah loan-a khelh chhunzawm tir duh mah se Salah zawk hian contract hi a hnar. Fiorentina vice-president chuan Salah-a'n an club a zawm duh loh chhanah hian Inter Milan hi a puh a ni.

Fiorentina chuan thuchhuah siam nghalin, "Kan club board mem­ber zinga mi Paolo Panerai thuchhuak leh kamchhuak te kha club ngaihdan a ni lo a, ama mimal ngaihdan liau liau a puanchhuah a ni. Club chuan he thilah hian engmah inhnamhnawihna kan nei lo a ni," an ti.