Roma sawmna ngaihtuahtu Mitrovic

Belgian club ṭha Andrlecht striker Alek­sandar Mitrovic chuan Roma sawmna vanga a inngaihtuah mek thu a sawi chhuak.

Serbia international hian season hnih Andr­lecht-a hun a hman chhung­in goal 44 zet a khung a, Premier League cham­pion Chelsea leh London club Tottenham te pawn an rim nia sawi a ni.

Kum 20 leka upa striker chuan, "Roma hnen aṭangin sawmna ka hmu a, mahse an sawmna hi ka pawm dawn nge dawn lo tihah ka inngaihtuah buai mek a ni. Ka agent ka rawn phawt anga, ka career a tana ṭha ber turin thu­tlukna kan siam ang," a ti.

Mitrovic chuan club dang aṭang pawha sawm­tu a neih thu sawiin, "Rei lo teah ka club khelhna tur chu a chiang ang. Roma bakah Benfica leh Porto te paw'n min be mek a ni. Ka tan chuan nuam ka tihna hmun leh ka inkhelh tam theihna hmun tur pan hi a ṭha ber a, Belgium-ah nuam ti viau mah ila hmun dang ka pan hi a hun tawhin ka hria," a ti.