Chennaiyin FC-ah Fikru leh Edel

ISL season hmasa bera Atletico de Kolkata player ṭangkai pahnih Fikru leh Edel te chuan Chennai lam panin October aṭanga khelh ṭan tur ISL-ah Chennaiyin FC tan an khel dawn.

Ethiopian forward Fikru hian ram tan vawi 29 inlanah goal 10 khungin ISL hmasa berah khan Atletico de Kolkata tan match 12 a inlanah goal nga a khung. ISL season hmasa ber zawhah khan South Africa club Bidvest Wits a zawm a ni.

French club lian Paris Saint Germain tan pawha lo khel tawh Armenian goalkeeper Edel hian Israel club Hapoel Tel Aviv aṭangin Chennaiyin FC hi a pan thung a ni.