Liverpool assistant manager thar O'Driscoll

Season hmasa a beisei phak lo Liverpool an inlak belh zel a, player thar an lakluh nual hnuin assistant manager thar atan England Under-19 boss nilai Sean O'Driscoll an la lut ve leh ta.

Kum 58-a upa Irish manager hian coaching lamah tawnhriat a ngah tawh hle a, England U-19 a enkawl hmain Bournemouth, Doncaster Rovers, Crawley Town, Nottingham Forest leh Bristol City te pawh a lo kaihruai tawh a ni.

O'Driscoll hian player a nih laiin Fulham leh Bournemouth tan a lo khel tawh bawk.

Liverpool-in an manager Brendan Rodgers-a thachhang dawltu pahnih Colin Pascoe leh Mike Marsh an ban hnuin a thlakna tur an la zawng zel a, tunah O'Driscoll la lut tawh mah se assistant manager tur hi a dang pakhat lakbelh leh an la tum nia sawi niin academy coach Pep Lijnders chu first team staff zingah lakchhoh a ni tawh bawk.