Delhi Dynamos-ah Roberto Carlos a chiang ta

Brazil legend Roberto Carlos chuan ISL club Delhi Dynamos chu manager hna chelh turin a zawm dawn chiang ta.

Kar hmasa khan Times of India chuan Carlos hian Delhi khaw club hi zawm tur angin an ziak a, mahse club lam aṭanga thuchhuak a la awm loh avangin thuchiang anga pawm theih a ni lo. Pathianni khan Delhi hian an website lamah Carlos an lakluh thu hi an puang chiang ta a ni.

Kum 42-a upa Carlos hi a vanglaiin khawvel club ṭha ber pawl Real Madrid-a an defender rinrawl ni ngar ngar thei a ni a, kum 1998 a World Cup final khel leh 2002 World Cup nomawi chawi Brazil team-ah khan an player pawimawh ber pawl a ni bawk.

Brazil tana vawi 125 inlan thei Roberto Carlos hian player a nih anga a hun tawp lam hmanna Anzhi Makhachkala-ah coach hna a lo chelh lailawk tawh a, Russian club a chhuahsan hnu hian Turkish club Si­vasspor leh Akhisar Belediyespor a zawm leh a, kumin kum tir lamah Qatari Stars League club Al-Arabi-ah contract ziak zet mah se inhmuh thiam lohna an neih leh si avangin Delhi Dynamos a zawm dawn ta a ni.