Casillas-a'n Porto a kal a duh - Agent

Real Madrid veteran goalkeeper Iker Casillas-a'n Portuguese club ṭha FC Porto zawm a duh. He thu hi Spanish keeper agent Carlo Cutropia thusawi a ni.

Casillas agent Cutro­pia chuan, "Casillas hian Porto lama kal a châk a, Real Madrid lamin har­satna nei loa an chhuah tir ngei kan beisei a ni," tiin a sawi.

Real Madrid leh Man­chester United goalkeeper David de Gea an sawi zawm avangin Santiago Ber­nabeu-a Casillas hma­lam hun hi a chiang lo. Nikuma second kee­per Costa Rica keeper Keylor Navas-a'n season tharah first keeper chan a tumruh viau bawk.

Kum 34-a upa Casil­las hian Madrid hi La Liga title panga, Copa del Rey title pahnih, Supercopa de Espana title pali, Cham­pions League title pathum, UEFA Super Cup title pahnih a chawipui bakah FIFA Club World Cup leh Intercontinental Cup-ah vawi khat ve ve a champion pui bawk.

Spain keeper hian an ram hi European Cham­pionship leh World Cup-ah champion pui tawh bawk a, Real Madrid-a a contract neih lai hi June 2017-ah a tawp dawn.