McArthur-a'n a contract pawt sei

Crystal Palace mid­fielder James McArthur chuan a club-a a rinawm zia ti langin kum thum chhung atan a contract a pawt sei. Amah lo beisei ve mektu Everton leh Norwich te tan chuan thu lawmawm a ni lo ang.

Kum 27-a upa mid­fielder hian season hmasa khan Eagles tan Premier League match 32 lai a khel a, point 48 hmu puiin table-ah 10-na a nih pui nghe nghe.

Palace and manager Alan Pardew chuan, "James hi kan tan chuan player pawimawh leh kan innghahna ber pakhat a nih avangin kan hnena a cham chhunzawm tur hi ka lawm takzet. Ani nen kan thawk dun leh a nih chuan season hmasa aia duhawm zawkin season thar hi kan hman theih ka beisei," tiin a player duhlai chu a dah sang hle.

Season hmasa ṭan dawn khan Wigan aṭangin pound maktaduai 7-in McArthur hian Palace hi a zawm a ni.