Women's Football inelna

July 28, 2015 a ṭan turin Mizo­ram Football Association chuan 2nd Independence Day Football Tournament for Women a buatsaih dawn. Mizoram chhunga Hmeichhe Football Club a duh apiang tel theih a ni ang.

He tournament-a tel duh chu ni 20.7.2015 tlai dar 3 thleng MFA office, City Park ah entry fee Rs. 500 nen inziahluh theih a ni. Aizawl Lam­muala khelh tur he inelnaah hian India National leh U-18 tournament lo awm tur atan player enchhin nghal a ni ang.

Club pakhatah hian India National Senior leh Northeast Games a tel tawh player 7 tel phalsak an ni ang a, Age-group-a tel tawhte chu bithliah a awm lo. Lawmman ṭha tak siam a ni ang.