Juventus tana rinawm Allegri
Italian champion Juventus manager Massimiliano Allegri contract neih lai chu pawt seiin kum 2017 thleng Turin-ah a cham chhunzawm ang. An manager-in contract a pawhsei rual hian Juve chuan Thawh-
ṭanni khan Claudio Marchisio contract chu kum nga chhung atan an pawtsei tih an puang bawk.
Nikum July thla khan Antonio Conte thlak turin AC Milan manager hlui Allegri hian Juve a zawm a, a season khatnaah League-ah leh Italian Cup-ah a champion pui bakah Champions League final a thlenpui bawk.
Kum 47-a upa Allegri-a contract hmasa kha chu kum 2016 a tawp tur a ni a, mahse beisei phak baka a chet ṭhat avangin club president Andrea Agnelli nena inhmuin a contract hi kum khat chhung atan an pawhsei belh ta a ni.
Tun nipui transfer chhungin Juventus hian an senior player pahnih Carlos Tevez leh Andrea Pirlo te chu Boca Juniors leh New York City-ah an chhuah tir tawh a. Paulo Dybala, Mario Mandzukic, Sami Khedira leh Neto te an lak luh bakah Roberto Pereyra an ziak nghet bawk.