Nani-a'n Fenerbahce a pan

Manchester United winger Nani chuan kum thum chhung cham turin Turkish club Fenerbahce a pan ta.

Kum 28-a upa Por­tugal international manah hian Fenerbahce chuan pound maktaduai 4.25 an seng a ni.

Kum 2007-a Spor­ting Lisbon aṭanga Manchester United pantu Nani hian United tan vawi 229 a inlanah goal 40 a khung a, season hma­sa kha loan-in a club hlui Sporting Lisbon lam­ah hmangin goal 11 a khung.

Portuguese winger hian September, 2013 khan Old Trafford-ah kum nga cham turin a contract pawtsei mah se United boss thar Louis Van Gaal-a player duh zawng a nih loh avangin Portugal lam hi a pan ta a ni.

United tan a khelh chhungin Nani hian Premier League title vawi li a chawi bakah Champions League-ah vawi khat a champion bawk.

Fenerbahce-ah hian Portugal tana a khelhpui Raul Meireles leh Bruno Alves te nen an khel ho dawn a ni.