Leverkusen leh Postecoglou an sawizawm

Bayer Leverkusen-in Erik Ten Hag an ban a, a thlakna atan Ange Postecoglou hming a ri ring hle. Postecoglou hian season liam ta khan Tottenham Hotspur chu Europa League-ah champion pui mah se an ban tho a, club nei loin a awm mek.

Kum 60 mi Postecoglou hi Greece-a piang a ni a, naupan laiin Australia-ah a pem a, player a nih lai pawha Australia tana khel pha niin manager a nih hnuah pawh sulhnu a nei ṭha. Postecoglou hian a kalna apiangah a nomawi a chawi a; South Melbourne, Brisbane Roar, Yokohama F. Marinos, Celtic bakah Australia U17, Australia U20 leh Australia te enkawl tawhin nomawi a chawipui vek.

Sulhnu a neih ṭhat avangin Postecoglou hi a awl rei dawn lo a, Bayer Leverkusen bakah Turkish club lian Fenerbahce nen pawh sawizawm a ni bawk. Turkish club hian kar liam ta khan Jose Mourinho an ban a, manager nei loin an awm mek.