Mizoram huap boxing inelna a awm dawn

MSSC Golden Jubilee 44th Mizoram State Boxing Championship 2025 chu September 23-26 chhung hian SAI Extension Centre, Electric Veng, Lungleiah neih a ni dawn a, tel tur tan September 18, Ningani thleng hming pek luh theih a ni ang. Mizoram pum huap ni mah se MiZBA chuan 'Sete Academy' a ensan mek avangin a hnuaia zirlaite tel loin turin a hriattir.

Sub.Jr boys & girls (13-15yrs) huangah team pakhatin boxer 15 an nei thei dawn a, Junior boys & girls (16-17yrs) leh elite mens & womens (18-41yrs) huangahte boxer 13 leh 10 a nei thei dawn bawk.

District association tinin ring official pakhat zel an tir thei ang a, TA/DA pek an ni ang.

An kalna senso bill tur hian sumo/bus ticket neih vek tur a ni. Boxer-te hi zopa inthlen a inthlen tur a ni a, mahnia mutbu intum tur a ni ang.

Team tel turten an aiawha chhuak turte September 18, Ningani aia tlai loah general secretary (9436147569) hnenah inhriattir tur a ni a, hriatchian duh nei tan organising secretary Malsawmtluanga (9436147478) hnehah zawhfiah tur a ni ang.

Inelna hmachhawn turt boxer-te hian aadhaar card leh birth certificate original boxer ken vek tur a ni bawk.

Category awm turte

Sub.Jr boys & girls (13-15yrs): 30-33kg, 33-35kg, 37kg, 40kg, 43kg, 46kg, 49kg, 52kg, 55kg, 58kg, 61kg, 64kg, 67kg, 70kg, 70+kg.

Junior boys & girls (16-17yrs): 44-46kg, 46-48kg, 50kg, 52kg, 54kg, 57kg, 60kg, 63kg, 66kg, 70kg, 75kg, 80kg, 80+kg.

Elite men & women (18-41yrs): 47-50kg, 55kg, 60kg, 65kg, 70kg, 75kg, 80kg, 85kg, 90kg, 90+kg 45-48kg, 48-51kg, 54kg, 57kg, 60kg, 65kg, 70kg, 75kg, 80kg, 80+kg.