Loftus-Cheek leh Quansah an koh belh

England manager Thomas Tuchel chuan player a koh tawh sa bakah Ruben Loftus-Cheek leh Jarell Quansah te chu a koh belh a, hetih lai hian a koh tawhsa zinga mi Adam Wharton erawh hliam vangin a inlan thei dawn lo.

Three Lions hian World Cup qualifier khel turin Andorra leh Serbia an hmachawn dawn, hemi atana koh zingah hian a tirah chuan Crystal Palace midfielder Adam Wharton a tel a, mahse hliam vangin a inhnukdawk - kar tawpa Aston Villa nen an inkhelh ṭumin a hliam a ni.

Bayer Leverkusen centre-back Jarell Quansah koh a nih leh phah a, ani hi kumin June-a European Under 21 Championship an champion theihna zinga mi kha niin, kumin March khan Tuchel-a'n squad a puan hmasak berah khan a lo tel tawh bawk.

Ruben Loftus-Cheek hi chuan England tan match 10 a khel tawh a, tawnhriat a nei nual - ram tana a inlan hnuhnung ber chu 2018 November daih tawh kha niin United States nen an inkhelh ṭumin bench aṭangin a lut.

England squad

Goalkeepers: Jordan Pickford (Everton), James Trafford (Man City), Dean Henderson (Crystal Palace).

Defenders: Reece James (Chelsea), Marc Guehi (Crystal Palace), John Stones (Man City), Dan Burn (Newcastle), Ezri Konsa (Aston Villa), Myles Lewis-Skelly (Arsenal), Tino Livramento (Newcastle), Djed Spence (Tottenham), Jarell Quansah (Bayer Leverkusen).

Midfielders: Elliot Anderson (Nottingham Forest), Morgan Gibbs-White (Nottingham Forest), Jordan Henderson (Brentford), Morgan Rogers (Aston Villa), Declan Rice (Arsenal), Ruben Loftus-Cheek (AC Milan).

Forwards: Harry Kane (Bayern Munich), Eberechi Eze (Arsenal), Jarrod Bowen (West Ham), Anthony Gordon (Newcastle), Noni Madueke (Arsenal), Marcus Rashford (Barcelona, on loan from Man Utd), Ollie Watkins (Aston Villa).