Chennaiyin an her sang zel

Owen Coyle awm hnuah Chennaiyin hmasawnna hmuh turin a awm zel a, Indian Super League club hian Lallianzuala Chhange goal khungna inkhelah Ningani zan khan Jamshedpur FC chu 4-1 in an sawp.

Chennaiyin tan Laldinliana Renthlei a khel ṭha takzet a, Mizo­ram Premier League club Chhinga Veng FC aṭanga Chennaiyin-in an leichhuah defender hi Emerging Player of the Match-ah thlan a ni. South Indian club tan Nerijus Valskis chuan goal hnih a khung a, Andre Schembri leh Lianzuala ten goal khat ve ve khung ve leh bawkin an chak chiang hle. 

Jamshedpur hian 2-0 a nih laiin Sergio Castel hmangin si phurh an sut ṭhen a, mahse mikhual team infuihphurna goal ni loin Chennaiyin chhaih kawlhna goal-a chang ta zawk.  Ningani zan inkhelah Chen­­naiyin tan Lian­zuala leh Dinliana bakah Jerry Lalrinzuala chuan inkhel bul a ṭan a, JFC lamah Isaac Vanmalsawma chu minute 85-naah bench aṭanga luhtir a ni. 

Chennaiyin hian match thum chhung chu a zawnin hnehna an chang ta a, table-ah paruknaah an inhlang chho - palina an hnaih zel avangin playoff beiseina a nung thar. 

Zanin Inkhel Tur

FC Goa   7:30PM   Kerala Blasters

*Pathianni zanah inkhel a awm lo ang