Mizoram in silver leh bronze medal la

4th National Sub Junior & Senior National Taekwondo Championship (Kyorugi & Poomsae) neih zawh takah, Mizoram aiawha kal Vanlalmawipuii leh Bhupesh Sungh Rawat te chuan medal an la.

Cuttack, Odisha-a inelna neihah hian, Vanlalmawipuii, Mamit chuan Sub-Junior Under 32kg-ah sliver medal a la a, Bhupesh Sungh Rawat chuan Senior Category Under 87kg-ah bronze medal a la bawk.

Senior team freestyle-ah Mizoram tan a hmasa ber ni turin Vanlalmawipuia, Lalrinchhana, Lalinpuia, Ramdingliani leh Doris Lalhmangaihzuali ten bronze medal an hlawh chuak bawk a ni.