Paqueta-a'n FA khing mai thei

West Ham midfielder Lucas Paqueta chuan spot-fixing chungchangah Football Association a khing mai thei a, a ukilte chuan English football thuneitu sang ber khin dan tur hi an ngaihtuah mek niin an sawi.

Paqueta hi May 2024 khan inkhelhnaa dik lo taka thamna laah puh niin, FA chuan thubuai a siamsak a, August 2023 aṭang khan an lo chhui ṭan daih tawh. Mahse, July thla khan Paqueta puhna hi thu tling tawk loah ngaiin, he thubuai ngaihtuahtu, independent commission chuan thiam a chantir a ni.

FA-in Paqueta thubuai an siamsak khan Manchester City zawm tura a inbuatsaih lai a ni a, pound maktaduai 80-a City zawm thei dinhmunah a ding hman. Mahse, a thubuai avangin City an inhnukdawk a, tunah thiam a chang leh si!

Indepdendent Commission chuan Paqueta leh West Ham te chuan zângnadawmna sum, maktaduai tel an dawn theih thu a sawi a, mahse, Paqueta hian hei hi duhtawk mai loin, FA khing tur hian a inbuatsaih a ni.