World Cup ticket an zuar dawn hnai

FIFA World Cup 2026 en tum tan ticket a lei theih dawn hnai - September chhung hian ticket ṭhenkhat chu lei theih a ni dawn, a man tlawm ber chu Rs. 5,283 a ni dawn a, a to ber erawh Rs 5,90,000 man a ni thung ang.

Mi pakhat tan ticket pakhat bak a lei theih dawn lo a, match pakhat atan mi pakhatin ticket pakhat zel an lei thei ang, mi tam thei ang berin darh zau taka ticket an inchan sem theih nan FIFA chuan ruahmanna an siam.

World Cup 2026 hi June 11 aṭanga July 19 chhungin United States leh Mexico-ah khelh a ni dawn a, ram inlan thei an tam tawh avangin match pawh a pung dawn, match 48 an khel tling dawn a ni.

Ticket man zat hi a la danglam thei dawn a, mipuiin an mamawh dan a zirin tihdanglam leh theih tur a ni bawk.