Mizoramin Assam an hneh lo

30th Senior Women's National Football Championship for Rajmata Jijabai Trophy 2025-26-ah Mizoram chuan September 4, Ningani zan khan an match hmasa berah Assam an hmachhawn a, 5-1 in an hneh lo.

Kasa Stadium, Diphu-a inkhelah Mizoramin Elizabeth VL Lawmkimi hmangin minute riatnaah hma hruai mah se mualneitu Assam-in inkhel an thunun a, goal ngain an chhanglet. Assam tan Thingbaijam Devi, Sorokhaibam Chanu, Yangoijam Chanu leh substitute Maidangshri Narzary ten goal khat ṭheuh an khung.

Mizoram hian vawiinah Arunachal Pradesh an hmachhawn ang a; September 8, Thawhṭanniah group match hnuhnung berah Tripura an hmachhawn ang. Group khat aṭangin team pakhat chauhin knockout stage an luh dawn avangin Mizoram tan group stage paltlang a harsa tawh ang.