Suarez a inthiam lo

Inter Miami forward Luis Suarez chu Leagues Cup final a chet danah a inchhir hle a, an khingpui Seattle Sounders coaching staff ho chil a chhak khum mai avangin ngaihdam a dil.

Leagues Cup final-ah Suarez khelhna Inter Miami hi 3-0 in an chak lo - inkhelh banah buaina a chhuak zui a, striker Suarez insum thei lo chuan an khingpuite chil a chhak mai a, hei hian sawi zui a hlawh; tun hma lama a chet mawi loh tawhna hrang hrang an sawi chhuahsak bawk.

Suarez chuan, "Kan lungawi loin kan thin kha a rim em em a, thil thleng lo tur tam tak a thlen phah. Chutihrualin, thinrim hle mah ila khatiang thil mawi lo kha chu ti tur ka ni chuang lo, ka tihsual tih ka pha lo.

"Ka chet dan mawi lo avang khan ka inchhir hle a, ngaihdam ka dil. Ka thil tih avanga rilru na leh hrehawm tuar zawng zawngten min ngaihdam ngei pawh ka beisei," tiin a sawi.