Marquez a ṭawng fimkhur

MotoGP champion ni turin Marc Marquez dinhmun a ṭha tawh hle a, mahse Spanish rider hian dinhmun ṭha taka awm hnuah pawh chetsual theih a ni tih a hrechiang a, a ṭawng fimkhur hle.

May thlaah khan Silverstone tlankawngah MotoGP an tlan, a hnu lamah Marquez hi a la chak char char - rider championhsip huangah pawh amah hnaih bertu Alex Marquez aiin point 175 tehmeuhin a sang fel mek.

Ducati rider Marquez chuan, "Dinhmun ṭha taka awm tawh hnua chesual an awm tih ka hre tawh a, kei ngei pawh hi ngaihṭha taka ka awm laia chetsual chang ka nei tawh bawk, tawnhriat tam tak ka nei tawh a ni.

"Hun rei tak chhung a zawnin hnehna ka chang tawh a, chak reng theih a ni lo tih pawh ka hria. Chuvangin ka kaltluang lai hi a tawp dawn hnai tawh tihna a ni a, tlahniam lutuk loa awm theih a pawimawh ang," tiin a sawi.

Pathianni zan dar 5:30 hian Circuit de Barcelona-Catalunya tlankawngah Catalan Grand Prix an tlan leh ang.