NBA an khel chhunzawm zel dawn

Nimin khan United States Capitol-ah president kal chhuak tur Donald Trump thlawp tuten buaina an siam a, he buaina vang hian mi ṭhenkhat chuan nunna an chan hial - ram chhungah tualchhung buaina awm mah se NBA chu khelh chhunzawm zel a ni dawn.

Season hmasa khan mihang thihna vang leh hri leng vangin basketball inelna lian hian harsatna a lo tawk tawh a, ruahman ang hunah pawh season an khar thei lo. Kuminah harsatna thleng leh mah se thuneitu lamin a theih chen chen kaltlangpui an tum.

Nimin zing inkhel ngaihven hlawhah Golden State Warriors chu Los Angeles Clippers lakah 108-101 in an chak lo. Clippers hian a vawi ruk nan hnehna an chang a, GSW erawh vawi li chak tawhin ṭum li bawk an tlawm tawh thung.