PSG forward Dembele leh Doue te inhliam

European champion Paris St-Germain forward pahnih Ousmane Dembele leh Desire Doue te chu inhliam vangin thla khat chhung an chawl dawn a, October thlaah an inlan leh thei chauh ang. Player pahnih hi France-in World Cup qualifying-a Ukraine 2-0 a an hneh ṭumin an inhliam.

PSG thuchhuahin a tarlan danin Dembele hi malpui hliam vangin kar ruk a chawlh a ṭul dawn a, Doue hi kar li a chawlh a ngai dawn thung. France-in Ukraine an hneh ṭum hian Doue hi halftime-ah Dembele hian a thlak a, Barcelona forward hlui hi hliam vangin mintue 81-naah lakchhuah veleh a ni.

Luis Enrique-a hote hian September 17, 2025 aṭangin Champions League an khel ṭan dawn a, match hmasa berah Atalanta an hmachhawn dawn. October 1-a Barcelona nen an inhmachhawn hunah pawh an khel thei lo ang.

Dembele leh Doue te hi PSG-ah player pawimawh ve ve an ni a, September 21, 2025-a Ballon d'Or sem turah pawh Dembele hi dawng tura beisei a ni.