Korea tan Son a che na

Son Heung-min chuan South Korea tana innghahna tlak a nihzia a takin a lantir leh ta - United States nen friendly match an khel a, goal a khung bakah Lee Dong-gyeong khung tur siamsakin an ram hi 2-0 in a chakpui.

Ram pahnih inkhel hi World Cup 2026 inbuatsaihna a ni a, an intawnna hi Sports Illustrated Stadium, New Jersey ni mah se a hmun entuten mikhual Korea lam an ṭan nasa hle a, mualneitu US tan inngaihtuahna tham a ni ngei ang.

Mauricio Pochettino enkawlna hnuaiah US hian beisei an phak lo hle, nakkum maiah World Cup an thleng tawh dawn, chumi hma chuan friendly match pasarih chauh khelh tur an nei tawh, tun thlengin team nghet an la nei thei lo.