Mizoramin Tripura an hneh

30th Senior Women's National Football Championship for Rajmata Jijabai Trophy 2025-26-ah Mizoramin chak hmel an hmu ta a, nimin khan an match hnuhnung berah Tripura 2-0 in an hneh.

Mizoram tan Lalsangpuii leh captain Grace Lalrampari ten an khung. Coach Anand Gurung hote hian match hmasa berah Assam 5-1 in an hneh lo a, match hnihnaah Arunachal Pradesh nen goal awm loin an inhnehtawk.

Group pakhat aṭangin pakhat chauh tlang tur a ni a, Mizoram hi point li hmuin pahnihnaah an awm a, knockout stage an paltlang zo lo.

Anand Gurung chuan, "Team ṭha ber kan hruai thei lo a, player ṭha ṭhahnem tak an hman lo. Ka player-ten theihtawp an chhuah a, beisei ang result erawh kan hlawh chhuak ta lo. Assam khaw lum kan tuar a, zan mut kan harsat a, hei hian kan game-ah nghawng lian tak a awm a ni," tiin Vanglaini a hrilh.