World Cup khel tur Tunisia

Tunisia chu World Cup 2026 khel turin an inpet tling ta. Thawhṭanni zan khan Tunisia hian Equatorial Guinea chu 1-0 in an hneh a, football inelna ngaihhlut bera inlan tur hian an tling chiang ta a ni.

Nuevo Estadio de Malabo-a inkhelah, hun tawp dawn thlengin goal kan hmu mai lo, an inhnehtawk mai dawn ni pawhin a lang hman. Minute 90+4 a thlen chiahin Tunisia tan midfielder Mohamed Ben Romdhane chuan goal awmchhun hi a khung.

Group H-ah Tunisia hian match riat an khelh aṭanga point 22 hmuin hmahruiatu an ni ching tawh a, khelh hmabak pahnih an la neihah chak lo pawh ni se World Cup khel turin an tling chiang tawh tho a ni.