Afghanistan-in Hong Kong an sawp

Asia Cup match hmasa berah Afghanistan-in 94 runs-in Hong Kong an sawp. Group B-ah Afghanistan, Hong Kong, Bangladesh leh Sri Lanka te an awm a, zanin dar 8:00 hian Bangladesh leh Hong Kong an inkhel ang.

Sheikh Zayed Stadium-ah Afghanistan-in vuak hmasak an thlang a, opener Sediqullah Atal-a'n ball 52 lekah 73 runs a siam. Mohammand Nabi (33) leh Azmatullah Omarzai (53) te rawn che ṭha leh bawkin 188/6 runs an siam.

Bowling lamah Afghanistan an khawng ṭha a, Hong Kong opener pahnih Zeeshan Ali (5) leh Anshuman Rath (0) ten run tam an siam lo. Babar Hayat (39) leh Yasim Murtaza (16) te chiah run 10 siam tling an ni a, over 20-ah 94/9 runs chauh an siam.

Hong Kong-in record duhawm loh an siam a, nikum aṭanga chhiarin run out vawi 34 an nei a, an ngah lawr lak. T20 khel ram 103 an awm a; Hong Kong (34) dawtah hian Bahrain (22), Malawi (21) leh Pakistan (21) te an awm a ni.