MVA Season Opening: Zaninah a hmawr an bawk dawn

Mizoram Volleyball Association buatsaih - MSSC Golden Jubillee, MVA Season Opening Tournament 2025 chu nimin khan semifinal khelh zawh a ni a, zanin hian a hmawr bawk a ni ang.

YMA Hall, Electric Vengaah hmeichhe semifinal khelh zawh hmasak niin, nimin khan Tuichangral chuan ITI Veng chu 23-25, 25-7, 25-19, 25-4 (3-1) in an hneh a, semifinal hmasa zawka hnehna changtu Chhiang Veng Spikers nen an inhmachhawn dawn.

Chhinga Veng Spikers hian Nilaini khan Eric Pautu Academy chu 15-25, 25-13, 25-22, 25-16 (3-1) in an lo hneh tawh a, vawiin tlai dar 4:00 hian hmeichhe volleyball club ṭha ber an hre thei tawh dawn a ni.

Nimin tlai khan mipa semifinal khelh zawh niin, inkhel hmasa zawkah Anastasia Electric Veng chuan team ṭha ni ṭhin Hunthar chu 3-0 in an hneh a, inkhel hnuhnung zawkah Khawbel pawhin set thum fai bawkin Tuichangral an hneh bawk.

Mipa final hi zanin dar 8:00-ah khelh a ni dawn a, inkhel hi MVP YouTube-ah live a en theih a ni ang.