Sindhu-i a chak lo nghal

Badminton inelna Hong Kong Open Super 500 khelh laiah PV Sindhu chu a chak lo nghal - India player hi seeded pawh chang phak lo Line Christophersen lakah a tlawm a ni.

BWF World Championship khelh zawh taka quarterfinal thleng phak Sindhu hi 21-15, 16-21, 19-21 in a chak lo a, kum 25 mi Christophersen hian vawi ruk an inhmachhawn tawh zingah a vawi khat nan Sindhu hi a hneh.

Olympic medal vawi hnih la tawh Sindhu hian game hmasa berah 3-1 in hma a hruai a, a chungnung tlang. Mahse, game hnuhnung pahnihah erawh Denmark nula Christophersen a sang ta zawk.

Mipa singles lamah Lakshya Sen erawhin quarterfinal a invaw kai a, doubles pair Satwiksairaj Rankireddy leh Chirag Shetty te ṭangdun pawhin last 16 palltangin a thiam zual zingah an inhlangkai ve bawk a ni.

World championship bronze medal pawh la tawh Lakshya hian amah ang bawka Indian player HS Prannoy chu 15-21, 21-18, 21-10 in a hneh a, kum 23 mi Lakshya hian Kodai Naraoka leh Ayush Shetty te inkhela chak zawk a hmachhawn leh ang.

Satwik leh Chirag te ṭangdun hian Peeratchai Sukphun leh Pakkapon Teeraratsakul te inkawp chu 18-21, 21-15, 21-11 in an hneh a ni.