Barcelona-in Camp Nou hmang thei lo

Spanish champion Barcelona chuan khelmual pawn lamah chanchin mak angreng tak an nei leh ta - Camp Nou siamṭhat mek chu La Liga match khelh nan hman theih a la ni lo a, Pathianni zan dar 12:30-a Valencia an mikhual hunah an hmang hman dawn lo.

Barcelona hian June 2023 aṭang khan an khelmual hmingthang, Camp Nou hi an chei ṭha ṭan a, a sak ṭhat nan hian euro tluklehdingawn 1.5 ngawt an seng. Hetiang a nih avang hian mipui 55,000 lenna Estadi Olimpic Lluis Companys stadium chu hawhin, an home match an khel ṭhin.

Tun season-ah erawh Camp Nou-ah luh hman an inbeisei a, mahse, tun thlenga Barcelona city council phalna an la hmuh theih loh avangin an club hmeichhia leh reserve team-te khelmual, mi 6,000 lenna Estadi Johan Cruyff-ah home match an khel phawt dawn a ni.