Champions League Twenty20 a tawp
Kum 2009 aṭanga neih ṭan Champions League Twenty20 tournament chu beisei anga mipui ngaihven a hlawh tawk loh avangin tihtawp a ni. He tournament-ah hian test khel pha chin ram hrang hrang aṭanga cricket club ṭhazualte an inel ṭhin.
India, Australia leh South Africa cricket board ṭangrualin an huaihawt tournament hi khawvela cricket inelna sum tamna ber pawl niin lawmmanah ringawt pawh pound maktaduai 3.8 sen ral ṭhin a ni.
Champions League Twenty20-ah hian India club-in ro an rel a, nikum champion Chennai Super Kings leh Mumbai Indians chu champion ngun ber niin vawi hnih ve ve an champion tawh. Australia Big Bash team New South Wales chu kum 2009 khan champion-in Sydney Sixers chu 2012 khan an champion ve bawk.
BCCI honorary secretary Anurag Thakur chuan Champions League Twenty20 chu khawvel cricketer te tan an thiamna pholanna remchang leh ṭha tak nimahse mipui lamin an hlut tawk loh vanga tihtawp mai chu ṭha zawka an hriat thu a sawi a ni.