Monaco-ah El Shaarawy

AC Milan forward Stephan El Shaarawy chuan season khat chhung atan loan-in Ligue 1 club Monaco chu pound maktaduai hnihin a zawm.

An inremnaah chuan Italian forward hian season khatah match 15 a khel tling thei a nih chuan Monaco hian an duh chuan pound maktaduai 16-in a nghetin an la lut thei ang.

Kum 22-a upa Shaa­rawy hi inhliam vangin season hmasa khan Italian club tan vawi 28 chiah a inlan. Kum 2012 - 2013 season khan Shaarawy hian Milan tan game 46 khelin goal 19 a khung a, beisei a phak chhunzawm loh avangin Italian club hian an chhuah ta a ni.

Monaco hian Shaa­rawy hi tun nipuia Atletico Madrid zawmtu Belgian winger Yannick Ferreira Carrasco thlakna atan an la lut.

Monaco hian player ṭha an chan nual. Geoffrey Kondogbia chuan Inter Milan a zawm bakah Ra­damel Falcao chuan loan-in Chelsea a pan bawk.