Stoke City player thar Barca winger

Tun hnaia inla ṭha nasa tak Stoke City-in player thar an neih belh leh a, Barcelona aṭangin winger Moha El Ouriachi an la lut.

Kum 19-a upa winger hian Nou Camp-ah contract thar ziak duh loin Potters zawm hi a thlang ta zawk a ni. El Ouriachi hi Barca player hlui Bojan Krkic leh Marc Muniesa te nen Stoke City-ah hian an khel ho leh dawn a ni.

Stoke City hian Spain leh Morocco tana youth level-a khel tawh El Ouriachi mana an insen zat hi an tarlang lo a, a contract sei zawng pawh puanzar a ni lo.

Season hman zawh tak Premier League-a pakuana Stoke hian player pasarih an la lut tawh a, El Ouriachi hma hian striker Joselu, goalkeeper Shay Given leh Jakob Haugaard, defender Glen Johnson leh Philipp Wollscheid bakah midfielder Marco van Ginkel te an lo la lut tawh a ni.