CONCACAF Gold Cup Hneh loh la tawng lo Jamaica

Thawhlehni zan khan Jamaica chuan winger Garath McCleary goal khat khung hmangin El Salvador chu CONCACAF Gold Cup-ah sikhat faiin an hneh.

CONCACAF Gold Cup Group B match thum an khelh tawhah hneh loh tawng loin quarterfinal an inhlangkai. Kum 28-a upa McCleary hian tun tournament-ah hian goal hnih a khung tawh.

Group B match hnu­hnung ber Toronto a khelhah hian Jamaica player Darren Mattocks chu hnawhchhuah ni mah se knockout round lut tur a point hmuh mamawh El Salvador hian Jamaica goalkeeper Ryan Thompson an paltlang zo lo a ni.

Inkhel dangah Costa Rica leh tournament thlengtu Canada te chu goal awm loin an inhnehtawk thung. CONCACAF Gold Cup hi US leh Canada ten an inthlen ṭawm a; a thlengtu pakhat zawk US chu Group A-ah hmahruaitu niin quarterfinal lut mah se Canada erawhin beisei an pha lo hle.

Canada hian group match vawi thum an khelh aṭangin vawi khat mah hnehna an chang lo a; Jamaica lakah an tlawm bakah El Salva­dor leh Costa Rica in­hnehtawk puiin point hnih hmu chungin group mawngphahah an awm.