Mumbai City-ah Sony Norde a lut

Haitian striker Sony Norde chuan Mumbai City a zawm.

I League khelh zawh taka Mohun Bagan champion puitu Norde hi ISL-ah Mizo midfielder Lalrindika Ralte, India captain Sunil Chhetri leh Arsenal forward hlui Nicolas Anelka te nen an khel ho ang.

Norde hian nikum I Lea­gue-ah match 19 khelin goal kua a khung a, tunah hian CON­CACAF Gold Cup-ah Haiti tan a khel mek.

Kum 25-a upa Norde chuan, "Mumbai City FC. ka zawm thei hi ka lawm takzet. ISL hi ka tan chona thar a ni a, practice hun ka nghakhlel khawp mai," tiin a sawi.

Mumbai City hian Scot­land-a nomawi lian tham chawi theih zawng zawng chawitu Darren O’Dea an la lut tawh a, ISL1-a an defender Pavel Cmovs an chelh bawk. Cmovs hi Romania club Rapid Bucharest player a ni.