US leh Haiti an tlang

Thawhṭanni zan khan CONCACAF Gold Cup Group A chuan an group match an khel zo ta a, point sarih hmua group hmahruaitu United States leh pahnihna Haiti te chuan quarterfinal an inhlang kai.

Kansas City-a inkhel­ah United States leh Panama te chu goal khat ve ve khungin an inhnehtawk; Panama tana Blas Perez goal thun chu US tan Michael Bradley chuan second half-ah sutin goal dang luh belh tawh loin point khat ve ve an hmu.

Chak zo lo Panama hian point thum hmuin an group-ah pathumna an ni mek, quarterfinal luh beiseina an la nei ve. Group tina pathumna

ṭheuh aṭangin point hmu sang pahnihin quarterfinal an la lut ve dawn a ni.

Kum 21-a upa Duc­kens Nazon chuan an ram tana a goal hnihna khungin Haiti chu Nazon lakah sikhat faiin hnehna a chanpui bawk. 2015 CONCACAF Gold Cup-ah Nazon hian goal hnih khung tawhin kar hmasa khan Panama nen sikhat ve ve khunga an inhnehtawk ṭumin goal a lo khung tawh bawk.