MPL Transfer CFC-in Sawmfela te unau an chang

MPL3-ah Chanmari FC tan Malsawmfela leh a nau Vanlalthlamuana te an khel a, an unau goal khung belhkhawm hi goal 13 a ni. Lunglei FC (12) goal khung zat aiin a tam zawk a, Reitlang FC (5) goal khung let thawk ai pawhin a tam zawk.

Chanmari FC-in Din­­­thar FC aṭangin Lal­nun­mawia an la lut a, Sawmfela leh Thlamuana ten contract an pawhsei avangin MPL2-ah Sawm­fela te unau thum an khel dawn.

MPL3-a inhliam vang­a khel tam lo Mawi­tea'n goal khat chauh a khung a, MPL season thum khelh tawhah goal kua a khung tawh.

Mawitea bakah hian CFC hian Dinthar FC aṭangin Vanchengpui striker Ramengmawia an la lut a, Aizawl FC aṭangin MPL1-a an player C. Zo­muanpuia an la let bawk. Tlar hnungah Red Ribbon Football 2012-a Chanmari LC team champion puitu Zohmangaiha'n a contract neih lai a pawh sei bakah an junior team aṭangin David Lalchhuanawma leh Lalṭhasiama te senior team-ah an sawn chho bawk.