Anastasia leh Tuichangral an champion

Mizoram Volleyball Association buatsaih - MSSC Golden Jubillee MVA Season Opening Tournament 2025 chu a hmawr bawk a ni a, mipa inelna huangah Anastasia Electric Veng an champion a, hmeichhe huangah Tuichangral an sang ber thung.

YMA Hall, Electric Venga inkhelah Anatasia hian Khawbel chu 25-21, 17-25, 25-19, 25-15 in an hneh a, tun hma lama an ropuina ang kha neih let an tumna kawngah hmalam an pan - Pro Volleyball League an mitthla zui nghal dawn a ni.

Inelnaah hian MVA hnuaia Pro Club-te an inlan a, an inkhelh kual hnuah a sang ten semifinal an khel. Thutak Nunpuitu Team (TNT) erawh an ṭawngṭai thla (September) a nih avangin an inlan ve thei lo.

Hmeichhe inelna lamah Tuichangral chuan team indinthar mek Chhinga Veng Spikers chu 23-25, 25-19, 25-19, 25-18 in an hneh ve bawk.