Sri Lanka-in Bangaldesh an hneh

Asia Cup-ah Inrinni zan khan Sri Lanka-in Bangladesh chu wicket rukin an hneh a, Lions hi Super Four lut turin an dinhmun a ṭhat phah hle. Group B-ah Afghanistan, Sri Lanka, Bangladesh leh Hong Kong te an awm a, team pahnih group stage hi an paltlang dawn.

Sheikh Zayed Stadium-a inkhelah Bangladesh-in an bat hmasa a, 139/5 runs chauh an siam. Sri Lanka opener Pathum Nissanka a che ṭha a, 50 runs a siam bakah Kamil Mishra-a'n thi loin 46 runs a siam a, over 14.4 lekah 140/4 runs siamin hnehna an chang. Zanin dar 8:00 hian Sri Lanka hian Hong Kong an hmachhawn dawn a, Lions hian Super Four lut tura hna a awlsam theih nan chiang taka chak an tum ang.

Nizan khan group A lamah India leh Pakistan an inkhel a, result kan hre hman lo. Vawiin tlai dar 5:30 hian UAE leh Oman te an inkhel dawn a, group A-ah India leh Pakistan te an awm avangin vawiin tlai inkhel hi chu pathumna zawnna a ni ber ang.