NE Zone Shooting C'ship-ah Mizoram champion

Mizoram Rifle Association buatsaih 12th North East Zone Shooting Championship 2025 chu September 8-13, 2025 chhung khan Aizawlah neih a ni a, India hmarchhak state pasarih a thlengtu Mizoram, Arunachal Pradesh, Assam, Manipur, Meghalaya, Nagaland bakah Army leh Army Masked Man Unit aṭangin silai kap thiam mi 257 zetin inelna hi an hmachhawn.

Mizoram chuan gold medal 25 kap chhuakin, silver leh bronze 21 ve ve an la bawk a, overall champion an ni. Meghalaya chu pahnihna niin gold 24, silver 22 leh bronze 15 an la. 12th North East Zone Shooting Championship kharna hi September 13, Inrinni khan a kharna hun hman a ni a, Mizoram chief minister Lalduhoma chu khuallian a ni.

Chief minister Lalduhoma chuan, "Olympic 2036-ah India hmarchhak state-a silai kap thiamten Olympic medal an awrhlai a hmuh ngei ka beisei. Chumi tur chuan taimakna leh rinawmna, chhelna nen ṭan la sauh sauh rawh u," tiin a chah. A kharna huna hian National Rifle Association president Kalikesh Narayan Sing Deo pawhin a telpui bawk.