Lalrina Renthlei a thiam ber

Mizoram 6 Red Snooker Championship 2025 chu Inrinni zan khan a hmawr bawk a ni a, player ṭha bik Lalrina Renthlei bawk a chungnung berah a ṭang.

Mizoram Snooker & Billiards Association (MSBA) buatsaih inelna hi MSBA Hall, Hawla Indoor Stadium, Republic Vengthlangah khelh niin final-ah Lalrina Renthlei, Tuikhuahtlang hian a khingpui Lalsangzela, Khatla South chu 6-3 a hnehin a champion a ni.

Mizoram snooker ranking number 1 Lalrina Renthlei leh number 2 Lalsangzela te inkhel hi a hmuhnawm hle. Lalrina'n frame 1 leh 1 te chu 28-26, 45- 24 in a la zawn a, frame 3-ah Zela hi 14 - 51 in a chungnung thung.

Frame 4-ah Lalrina Renthlei a sang zawk hniah Zela-a'n a zawnin fame a la ve leh a, a tawp lam frame pathumah erawh tawnhriat nei ṭha leh tun hma lama lo champion fo tawh Lalrina bawk a chungnung leh ta zawk a ni.

Mizoram State Sports Council (MSSC) sponsor Mizoram 6 Red Snooker Championship-ah hian player 39 an tel a, quarterfinal hma lam zawng chu race to 4 a khelh niin, quarterfinal chu race to 5 a khelh niin, semifinal leh final te chu race to 6 a khelh a ni thung.

Mizoram 6 Red Snooker Championship rual hian, Mizoram Snooker & Billiards Association (MSBA) buatsaihin Sneaker Plug Novice Mizoram 9 Ball Pool Championship 2025 khelh a ni a, player 65 inlan zingah Samuel Lalhruaizela a chungnung ber.