Mipa double champion Rojer leh Tecau

Wimbledon 2015 chu khelh zawh a ni ta a, mipa double-ah Jean-Julien Rojer leh Horia Tecau te ṭang dun chuan Jamie Murray leh John Peers inkawp hnehin an champion.

Dutch leh Romanian inkawp hian Britain leh Australian inkawp hi darkar khat leh minute 52 chungin 7-6, 6-4, 6-4 in an hneh a ni.

Kum 33-a upa Rojer hi tun hmain Grand Slam-ah ala champion ngawi lo a, tun ṭum hi a vawi khat champion-na chiah a ni. A ṭanpui pa kum 30-a upa Tecau pawh hi a vawi khat champion-na a ni bawk.

Tun tournament-ah hian Murray unau hi an vanduai hle a, a naupang zawk Andy Murray chu mipa single semifinal-ah Roger Federer hneh loin a tla a, a upa zawk Jamie Murray pawh mipa double-ah a vanduai ve leh ta a ni.

Wimbledon-ah van­duai mah se kar leh a khelh zui tur Davis Cup quarter-final a Great Britain squad-ah an tel ve ve dawn tho a ni.