Tualchhung Volleyball Vawiin aṭangin Season Opening Tournament
Mizoram Volleyball Association buatsaih Season Opening Tournament chu vawiin chawhma dar 10:00 aṭangin Tuikual Indoor Stadium-ah khelh ṭan a ni dawn.
Inelna hi mipa leh hmeichhia team tana buatsaih a ni. Mipa inelnaah 3rd Batallion MAP, TNT VC, 2nd IR battalion VC, Hmingi VC, Young Star United leh Hunthar VC te an tel a, hmeichhe inelnaah Power Deptt. SC, Police SC, Electric VC leh Home Guard te an tel ve bawk.
Match hmasa ber khel tur Hunthar VC hi second division aṭanga kai thar an ni a, match hnihnaah champion lai TNT an inlan ang. Hmeichhei match pakhat a awm dawn a, championl lai Power SC leh kai thar Electric VC te an inkhel ang.